സാമുദ്രയാനങ്ങൾക്ക് കടന്നുപോകാൻ സൗകര്യമൊരുക്കി വേർപെട്ട് മുകളിലേക്കു ഉയർത്താനാകുന്ന എഞ്ചിനീയറിംഗ് വിസ്മയമായിരുന്നു രണ്ട് കിലോമീറ്ററിലേറെ നീളവും നൂറ്റാണ്ടിലേറെ പഴക്കവുമുള്ള പാമ്പൻ പാലം. കാലപ്പഴക്കത്താൽ ഈ പാലത്തിന്റെ അറ്റകുറ്റപണി അസാധ്യമായ സാഹചര്യത്തിലാണ് കൂടുതൽ മികവുറ്റ ടെക്നോളജിയുടെ പുതിയ പാലം നിർമിക്കാൻ റെയിൽവേ തീരുമാനിച്ചത്. പഴയ പാലത്തിന് സമാന്തരമായി 540 കോടി നിർമാണ ചെലവിലാണ് പുതിയ പാലം യാഥാർഥ്യമായത്.
വെർട്ടിക്കൽ ലിഫ്റ്റ് സ്പാൻ (ലംബമായ) സംവിധാനം അഥവാ ‘ജസ്റ്റ്‌ ലിഫ്റ്റ് ‘ സംവിധാനമാണ് സാമുദ്രയാനങ്ങൾക്ക് സുഗമമായ യാത്ര ഉറപ്പുവരുതാൻ ഈ പാലത്തിൽ പ്രവർത്തിക്കുന്നത്. 17 മീറ്ററോളം ഉയർത്താൻ സാധിക്കുന്ന വിധത്തിലാണ് ഇവിടെ നിർമാണം. ഭാവിയിൽ കൂടുതൽ ഗതാഗത സംവിധാനങ്ങൾ ആവശ്യമായിവന്നാൽ ഇത് പ്രയോജനകരമാകും. 72.5 മീറ്ററാണ് വെർട്ടിക്കലായുള്ള ലിഫ്റ്റിന്റെ നീളം. ഉയർത്താൻ ആവശ്യമായത് ഏകദേശം 5 മിനിറ്റ് മാത്രവും. രണ്ട് ടവറുകളിലും ഘടിപ്പിച്ചിരിക്കുന്ന രണ്ട് മോട്ടറുകൾ 630 ടൺ ഭാരം വരെ ഉള്ള മുഴുവൻ ഭാരവും അഞ്ചു മിനിറ്റിനുള്ളിൽ ഉയർത്താൻ രൂപകൽപ്പന ചെയ്തിരിക്കുന്നു. ഇതിനായി ഓരോ ടവറിലും 313 ടൺ കൗണ്ടർ വെയിറ്റുകൾ നൽകിയിട്ടുണ്ട്
സാമുദ്രനിരപ്പിൽ നിന്ന് 22 മീറ്റർ നാവിഗേഷൻ ക്ലിയറൻസുള്ളതിനാൽ പഴയ പാലത്തിന്റെ 1.5 മീറ്റർ ക്ലിയറൻസിൽ നിന്ന് വ്യത്യസ്തമായി, വലിയ കപ്പലുകൾക്ക് കടന്നുപോകാൻ ഇത് അനുവദിക്കും. പാലത്തേക്കാൾ 3 മീറ്റർ ഉയരത്തില്ലാണ് ഇത് നിർമ്മിച്ചിരിക്കുന്നത്, ലിഫ്റ്റ് സ്പാൻ ഉയര്‍ത്തിയിട്ടില്ലാത്തപ്പോൾ പോലും ചെറിയ കപ്പലുകൾക്ക് മികച്ച ക്ലിയറൻസ് നൽകുന്നു. പഴയ പാലത്തിലെ മാന്വലിൽ പ്രവർത്തിപ്പിക്കുന്ന ലിഫ്റ്റ് സ്പാനിൽ നിന്ന് വ്യത്യസ്തമായി പുതിയ പാലത്തിൽ പൂർണ്ണമായും ഓട്ടോമാറ്റിക്ക് ഇലക്ട്രോ- മെക്കാനിക്കൽ സിസ്റ്റം ഉണ്ട്. ഇത് ഏകദേശം 5 മിനിറ്റും 30 സെക്കന്റ്സും കൊണ്ട് സ്പാൻ ഉയർത്തും. ഇത് ട്രെയിൻ സർവീസുകളിലെ തടസ്സങ്ങൾ കുറയ്ക്കുന്നു. ഉയർന്ന നിലവാരമുള്ള സംരക്ഷണ പെയിന്റ്, ഒരു പ്രത്യേക പോളിസിലോക്സൺ കോട്ടിങ് എന്നിവ ഉപയോഗിച്ച് നിർമിച്ച ഈ പാലം കഠിനമായ സാമുദ്ര പരിസ്ഥിതിയെ നേരിടാൻ രൂപകൽപ്പന ചെയ്തിട്ടുള്ളതാണ്, കൂടാതെ കുറഞ്ഞ അറ്റകുറ്റപ്പണികളോടെ 58 വർഷത്തെ ആയുസ്സാണ് പാലത്തിന് പ്രതീക്ഷിക്കുന്നത്.