ഇന്ത്യൻ റെയിൽവേയിൽ റിസർവേഷൻ നിയമങ്ങൾ കൂടുതൽ കർശനമാകുന്നു. ടിക്കറ്റ് ബുക്ക് ചെയ്ത് കൺഫേം ആയാൽ പോലും ഇനി സീറ്റ് സുരക്ഷിതമാണെന്ന് വിശ്വസിക്കരുത്. ബോർഡിങ് പോയിന്റിലെ മാറ്റങ്ങളും ചാർട്ട് പ്രിപ്പറേഷനിലെ പുതിയ രീതികളും കാരണം അവസാന നിമിഷം സീറ്റ് നഷ്ടമാകാൻ സാധ്യതയുണ്ടെന്നാണ് പുതിയ റിപ്പോർട്ടുകൾ.
യാത്രക്കാർ അറിഞ്ഞിരിക്കേണ്ട പ്രധാന മാറ്റങ്ങൾ ഇവയാണ്
ബോർഡിങ് മാറിയാൽ പണി കിട്ടും!
പഴയത് പോലെ ഒരു സ്റ്റേഷൻ കഴിഞ്ഞ് അടുത്തതിൽ കയറാം എന്ന് ഇനി വിചാരിക്കേണ്ട. നിങ്ങളുടെ ബോർഡിങ് സ്റ്റേഷനിൽ നിങ്ങൾ എത്തിയില്ലെങ്കിൽ ടി.ടി.ഇ (TTE) കാത്തുനിൽക്കില്ല. ട്രെയിൻ പുറപ്പെട്ടാലുടൻ നിങ്ങൾ സീറ്റിലില്ലെങ്കിൽ ‘Not Turned Up’ (NTA) ആയി രേഖപ്പെടുത്തും. ഈ സീറ്റ് ഉടൻ തന്നെ വെയ്റ്റിങ് ലിസ്റ്റിലുള്ള (WL) മറ്റൊരാൾക്ക് ഓട്ടോമാറ്റിക്കായി നൽകപ്പെടും.
പരിഹാരം: ബോർഡിങ് സ്റ്റേഷൻ മാറ്റാനുണ്ടെങ്കിൽ അത് 24 മണിക്കൂർ മുൻപ് IRCTC ആപ്പ് വഴി മാറ്റിയിട്ടുണ്ടെന്ന് ഉറപ്പുവരുത്തുക.
രണ്ടാം ചാർട്ട്: അവസാന നിമിഷം വരെ കാത്തിരിക്കണം
റിസർവ് ചെയ്താലും സീറ്റ് നമ്പർ ലഭിക്കാത്ത സാഹചര്യങ്ങളിൽ ഇനി രണ്ടാമത്തെ ചാർട്ട് നിർണ്ണായകമാകും. ട്രെയിൻ പുറപ്പെടുന്നതിന് 30 മിനിറ്റ് മുൻപ് മാത്രമാണ് രണ്ടാം ചാർട്ട് തയാറാകുക. തത്കാൽ, റിമോട്ട് ലൊക്കേഷൻ ക്വോട്ട എന്നിവയിലെല്ലാം സീറ്റ് കൺഫർമേഷൻ വരുന്നത് ഈ ചാർട്ടിന് ശേഷമായിരിക്കും
ട്രെയിൻ വൈകിയാലും ജാഗ്രത
ട്രെയിൻ നിശ്ചിത സമയത്തിൽ കൂടുതൽ വൈകിയാലോ റീഷെഡ്യൂൾ ചെയ്താലോ പാസഞ്ചർ ജേർണി കൺഫേം ചെയ്തില്ലെങ്കിൽ സീറ്റ് ഓട്ടോ-റിലീസ് ആകാൻ സാധ്യതയുണ്ട്. അതിനാൽ IRCTC ആപ്പിലെ സ്റ്റാറ്റസ് ഇടയ്ക്കിടെ പരിശോധിക്കണം.
പേര് തെറ്റിയാൽ ‘ഔട്ട്’
ടിക്കറ്റിലെ പേരും നിങ്ങളുടെ ഐഡി കാർഡും തമ്മിൽ ചെറിയ മാറ്റമുണ്ടെങ്കിൽ പോലും ഇപ്പോൾ കർശന നടപടി സ്വീകരിക്കുന്നുണ്ട്. ‘ഡ്യൂപ്ലിക്കേറ്റ് ടിക്കറ്റ്’ സംശയത്തിൽ പെടുത്തിയാൽ നിങ്ങളുടെ സീറ്റ് റദ്ദാക്കാനും ടി.ടി.ഇക്ക് അധികാരമുണ്ട്.
യാത്രക്കാർക്ക് ഒരു ‘ക്വിക്ക് ടിപ്സ്’
- യാത്ര തുടങ്ങുന്നതിന് മുൻപ് SMS + Chart Status കൃത്യമായി നോക്കുക.
- വെയ്റ്റിങ് ലിസ്റ്റ് ടിക്കറ്റുമായി ഇനി സ്ലീപ്പർ/എസി കോച്ചുകളിൽ കയറുന്നത് വലിയ പിഴയ്ക്ക് കാരണമാകും.
- ബോർഡിങ് സ്റ്റേഷൻ എപ്പോഴും കൃത്യമായി സെറ്റ് ചെയ്യുക