കാനഡയിലേക്ക് സ്റ്റുഡന്‍റ്സ് ഡയറക്ട് സ്ട്രീം (എസ്ഡിഎസ്) വഴി പഠന വിസയ്ക്ക് അപേക്ഷിക്കുന്നവർക്ക് ഐഇഎൽടിഎസിൽ ഇനി ഓവറോൾ സ്കോർ 6 മതി.
മുൻപ് ലിസണിങ്, റീഡിങ്, റൈറ്റിങ്, സ്പീക്കിങ് എന്നിങ്ങനെ ഓരോ വിഭാഗത്തിലും 6 സ്കോർ വീതം വേണ്ടിയിരുന്ന സ്ഥാനത്ത് ഇനി മുതല്‍ വിദ്യാര്‍ത്ഥികള്‍ക്ക് ഓവറോള്‍ സ്കോര്‍ 6 ഉണ്ടെങ്കില്‍ കാനഡയിലേക്ക് പഠനവിസയ്ക്ക് അപേക്ഷിക്കാവുന്നതാണ്. ഓഗസ്റ്റ് 10ന് പുതിയ വ്യവസ്ഥ നിലവിൽ വരുമെന്ന് പരീക്ഷയുടെ നടത്തിപ്പുകാരായ ഐഡിപി എജ്യുക്കേഷൻ അറിയിച്ചു.
“ദി ഇമിഗ്രേഷൻ, റെഫ്യൂജീസ് ആൻഡ് സിറ്റിസൻഷിപ്പ് കാനഡ’ (ഐആർസിസി) ളിൽ നടപ്പാക്കിയ മാറ്റങ്ങൾ അനുസരിച്ചുള്ള ഇളവ് കേരളത്തിൽനിന്നുള്ളവർ ഉൾപ്പെടെ ഒട്ടേറെ വിദ്യാർഥികൾക്ക് അനുഗ്രഹമാകും. ഇന്ത്യയുൾപ്പെടെ 14 രാജ്യങ്ങളിലെ വിദ്യാർഥികൾക്കാണ് എസ്ഡിഎസ് വഴി അപേക്ഷിക്കാൻ സാധിക്കുക. ഇവരുടെ വിസ നടപടികൾ 20 ദിവസത്തിനുള്ളില്‍ പൂര്‍ത്തിയാക്കാറുണ്ട്.
