ഇത്തവണ ഓണത്തിന് ബെവ്കോ ജീവനക്കാര്ക്കുള്ള ബോണസ് തുക പ്രഖ്യാപിച്ചു. ഇത്തവണയും ലക്ഷം രൂപയ്ക്ക് മുകളിലാണ് ബോണസ് തുക. പരമാവധി ബോണസ് തുക ഒരു ലക്ഷത്തി അയ്യായിരം രൂപയാണ്. കഴിഞ്ഞ തവണത്തേക്കാള് 2500 രൂപ കൂടുതലാണിത്. അഡ്വാന്സായി അന്പതിനായിരം രൂപ വരെയും നല്കും. എക്സൈസ് മന്ത്രിയുടെ സാന്നിധ്യത്തില് ചേര്ന്ന യോഗത്തിലാണ് തീരുമാനം.
എപ്ളോയ്മെന്റ് ജീവനക്കാര്ക്കുള്ള ബോണസ് 250 രൂപ വര്ധിപ്പിച്ച് 6250 രൂപയാക്കി. സീപ്പര്ക്ക് 6,750 രൂപയും നല്കും. ഹെഡ് ഓഫീസിലെയും വെയര്ഹൗസിലെയും സെക്യൂരിറ്റി ജീവനക്കാര്ക്ക് 13,000 രൂപ നല്കാനും തീരുമാനമായിട്ടുണ്ട്.
കഴിഞ്ഞവര്ഷവും ബിവറേജസ് കോര്പ്പറേഷന് ജീവനക്കാര്ക്ക് റെക്കോര്ഡ് ബോണസാണ് ഓണത്തിന് നല്കിയത്. സ്ഥിരം ജീവനക്കാര്ക്ക് 1,02,500 രൂപയായിരുന്നു അന്ന് ബോണസായി ലഭിച്ചത്.