ഇരുട്ടിയാൽ നമ്മുടെ നാട്ടിലെ റോഡുകൾ അപകട മേഖലകളാകുന്നു. മങ്ങിയ വെളിച്ചം, ഡ്രൈവർമാരുടെ തളർച്ച, റോഡ് മുറിച്ചുകടക്കുന്ന മൃഗങ്ങൾ എന്നിവ കാരണം വർഷാവർഷം ആയിരക്കണക്കിന് അപകടങ്ങളാണ് സംഭവിക്കുന്നത്. വേഗത കുറയ്ക്കുകയും നല്ല ഡ്രൈവങ് ശീലങ്ങൾ സ്വീകരിക്കുകയും ചെയ്യുന്നതിലൂടെ ഈ അപകടസാധ്യതകൾ ഗണ്യമായി കുറയ്ക്കാൻ കഴിയും. റോഡ് സുരക്ഷാ വിദഗ്ധർ പങ്കുവെക്കുന്ന അഞ്ച് പ്രധാന ടിപ്പുകൾ ഇതാ.
ഹെഡ് ലൈറ്റും വിൻഡ്ഷീൽഡും വൃത്തിയാക്കുക
മങ്ങിയ ഹെഡ്ലൈറ്റുകൾ വെളിച്ചത്തിന്റെ ദൂരം പകുതിയായി കുറയ്ക്കുന്നു. ഇത് കാഴ്ച വ്യക്തമായിരുന്നിട്ടും അപകടങ്ങൾക്ക് കാരണമാകും. ലൈറ്റുകളുടെ ലെൻസുകൾ തുടച്ചു വൃത്തിയാക്കുക, മങ്ങിയ ബൾബുകൾ മാറ്റുക, സൂര്യൻ അസ്തമിക്കുന്നതിന് മുൻപ് വിൻഡ്ഷീൽഡിന് അകത്തും പുറത്തും വൃത്തിയാക്കുക എന്നീ കാര്യങ്ങൾ ചെയ്താൽ ഈ പ്രശ്നം പരിഹരിക്കാം. ഈ ലളിതമായ നടപടിയിലൂടെ കുഴികളും റോഡ് മുറിച്ചുകടക്കുന്ന മൃഗങ്ങളേയും നേരത്തെ കണ്ടെത്താം.
ഹൈ-ബീമും ലോ-ബീമും ശരിയായി ഉപയോഗിക്കുക
ഒഴിഞ്ഞ റോഡുകളിൽ ഹൈ-ബീമുകൾ സാധാരണയായി 200 മീറ്റർ വരെ വെളിച്ചം നൽകും. എന്നാൽ എതിർദിശയിൽ വരുന്ന വാഹനങ്ങൾക്ക് നേരെ വെളിച്ചം അടിക്കുന്നത് ഡ്രൈവറുടെ കാഴ്ച മറയ്ക്കുകയും അപകടങ്ങൾക്ക് കാരണമാവുകയും ചെയ്യും.
അതിനാൽ, എതിർദിശയിൽ വാഹനം വരുമ്പോൾ ഉടൻ തന്നെ ലോ-ബീം ഉപയോഗിക്കുക. എതിർദിശയിൽ വരുന്ന വാഹനങ്ങളുടെ ഹെഡ്ലൈറ്റുകൾ കാണുമ്പോൾ നിങ്ങളുടെ ലൈറ്റുകൾ ഡിം ചെയ്യണം. സ്ട്രീറ്റ് ലൈറ്റുകൾ ഉള്ളപ്പോൾ എപ്പോഴും ലോ-ബീം മാത്രം ഉപയോഗിക്കുക.
വേഗത കുറയ്ക്കുക, മുന്നിലുള്ള വാഹനവുമായി അകലം വർധിപ്പിക്കുക
രാത്രികാലങ്ങളിൽ പ്രതികരണ സമയം കുറയും. വെളിച്ചമില്ലാത്ത വഴികളിൽ വേഗത 10-20 കിലോമീറ്റർ കുറയ്ക്കുക. മുന്നിലുള്ള വാഹനവുമായി നിശ്ചിത അകലം പാലിക്കണം. ഇത് ബ്രേക്ക് ലൈറ്റുകൾ കത്തുമ്പോഴോ മറ്റ് അപ്രതീക്ഷിത സാഹചര്യങ്ങളിലോ പ്രതികരിക്കാൻ സമയം നൽകും.
അമിത വെളിച്ചവും ഉറക്കവും പ്രതിരോധിക്കാം
എതിർദിശയിൽ വരുന്ന കാറുകളുടെ അമിത വെളിച്ചമുള്ള എൽഇഡി ഹെഡ് ലൈറ്റുകൾ നിങ്ങളുടെ കാഴ്ച മറയ്ക്കാറുണ്ടാകും. ഇങ്ങനെയുള്ള സാഹചര്യങ്ങളിൽ നേരിട്ട് മുന്നോട്ട് നോക്കുന്നതിന് പകരം റോഡിന്റെ ഇടതുവശത്തേക്ക് നോക്കുക. ഇത് താത്കാലിക അന്ധത തടയും.
ഉറക്കം വരുന്നുണ്ടെങ്കിൽ വണ്ടി ഓടിക്കുന്നത് നിർത്തുക. വെള്ളം കുടിക്കുക, എസി കൂടുതൽ പ്രവർത്തിപ്പിക്കുക. ഓരോ രണ്ട് മണിക്കൂറിലും പുറത്തിറങ്ങി അഞ്ച് മിനിറ്റ് നടക്കുക.
മുന്നോട്ടുള്ള ശ്രദ്ധ, തുടർച്ചയായി മിററുകൾ പരിശോധിക്കൽ
ഇരുട്ടിൽ മറഞ്ഞിരിക്കുന്ന ട്രക്കുകളോ മറ്റു വാഹനങ്ങളോ കണ്ടെത്താൻ എപ്പോഴും ശ്രദ്ധിക്കണം. വാഹനത്തിലെ മിററുകൾ ഇടയ്ക്കിടെ പരിശോധിക്കുക. വളവുകളിലേക്ക് തിരിയുന്നതിന് മുൻപ് സിഗ്നൽ നൽകുക. ഹോൺ അടിക്കുക. മൂടൽമഞ്ഞോ മഴയോ ഉണ്ടെങ്കിൽ സാവധാനത്തിൽ പോകുക. റോഡിലെ ഇരുട്ടുള്ള ഭാഗങ്ങളെക്കുറിച്ച് മുന്നറിയിപ്പ് നൽകാൻ ഗൂഗിള് മാപ്പ്സ് പോലുള്ള ആപ്പുകൾ ഉപയോഗിക്കുക.