ബാങ്ക് അക്കൗണ്ട് മാറി പണം അയച്ചോ? പരിഹാരമുണ്ട്.

ഓൺലൈൻ വഴി അക്കൗണ്ടുകളിലേക്ക് പണം അയയ്ക്കുമ്പോൾ അക്കൗണ്ട് നമ്പർ തെറ്റിപ്പോയാല്‍..എന്തുചെയ്യും? ഇത്തരം സന്ദർഭങ്ങളിൽ ടെൻഷനടിച്ചു നിൽകാതെ നേരേ ഹോം ബ്രാഞ്ചുമായി ബന്ധപ്പെട്ടാൽ മതി. കൂടാതെ ഉപഭോക്താവിന് പരാതിയും നൽകാം.

▫️ ഉപഭോക്താവ് തെറ്റായി പണമയച്ചാൽ, ഹോം ബ്രാഞ്ച് മറ്റ് ബാങ്കുമായി സഹകരിച്ച് യാതൊരു പിഴയും കൂടാതെ തുടർ നടപടികൾ ആരംഭിക്കും.

▫️ നിങ്ങൾ പണം കൈമാറിയ തെറ്റായ അക്കൗണ്ടിന്റെ വിശദാംശങ്ങൾ ശ്രദ്ധാപൂർവ്വം രേഖപ്പെടുത്തുക.

▫️ ഗുണഭോക്താവിന്റെ അക്കൗണ്ട് വിശദാംശങ്ങളോടൊപ്പം ബാങ്കിൽ അപേക്ഷ നൽകേണ്ടിവരും.

▫️ അക്കൗണ്ട് അതേ ബാങ്കിലാണെങ്കിൽ, റിവേഴ്സൽ ഇടപാട് ആരംഭിക്കുന്നതിന് ഗുണഭോക്താവിൽ നിന്ന് ബാങ്ക് അനുമതി തേടും.

▫️ അക്കൗണ്ട് മറ്റേതെങ്കിലും ബാങ്കിന്റേതാണെങ്കിൽ, ഗുണഭോക്താവ് അക്കൗണ്ട് കൈവശമുള്ള ശാഖയെ സമീപിച്ച് ഇടപാട് തിരിച്ചെടുക്കാൻ ബാങ്ക് സഹായിക്കും.

▫️ തുക തിരികെ ലഭിക്കുമോ ഇല്ലയോ എന്നത് പൂർണമായും സ്വീകർത്താവിനെ ആശ്രയിച്ചിരിക്കുമെന്ന് ചില ബാങ്കുകളുടെ നിബന്ധനകളിൽ പറയുന്നുണ്ട്.

▫️ മുന്നോട്ടുള്ള വിവരങ്ങൾ അറിയാൻ കസ്റ്റമർ കെയർ നമ്പറിൽ ബന്ധപ്പെടാം.

▫️ ഇനി ബ്രാഞ്ച് തലത്തിൽ പ്രശ്നത്തിന് പരിഹാരം ലഭിച്ചില്ലെങ്കിൽ ഉപഭോക്താവിന് ബാങ്കിന്റെ ഔദ്യോഗിക പരാതി പരിഹാരസെല്ലിൽ പരാതി ഉന്നയിക്കാം.

▫️ എസ്ബിഐയുടെ കാര്യത്തിലാണെങ്കിൽ ആദ്യം ഉപഭോക്താവ് crcf.sbi.co.in/ccf എന്ന വെബ്സൈറ്റിലേക്ക് പോവുക. തുടർന്ന നിങ്ങളുടെ പരാതി രജിസ്റ്റർ ചെയ്യുക. Personal Segment/Individual Customer/ General Banking // Branch Related category // No response to queries ഇവയിലേത് വിഭാഗത്തിലാണ് പരാതി നൽകേണ്ടതെന്ന് പ്രത്യേകം ശ്രദ്ധിക്കുക.

പണം അയക്കുമ്പോൾ പ്രത്യേക ശ്രദ്ധ വേണം

📌ഓൺലൈൻ പണമിടപാടിന് മുമ്പ് അക്കൗണ്ട് നമ്പർ പരിശോധിക്കണം. ഓൺലൈൻ വഴി പണമയക്കുമ്പോൾ ഇത്തരം അശ്രദ്ധകൾ പറ്റാം. അതിനാൽ രണ്ടോ മുന്നോ തവണ അക്കൗണ്ട് നമ്പർ പരിശോധിക്കുക.

📌ഉപഭോക്താവിൽ നിന്നുണ്ടാകുന്ന തെറ്റായ ഇടപാടുകൾക്ക് ബാങ്ക് ഉത്തരവാദിയായിരിക്കില്ല.

📌പണം അയച്ചു കഴിഞ്ഞാൽ ഇടപാട് വിവരങ്ങൾ സ്ക്രീൻ ഷോട്ട് എടുത്തു വയ്ക്കുന്നത് നല്ലതാണ്.