സംഗീതപ്രേമികൾക്കും വിനോദസഞ്ചാരികൾക്കുമായി മെഗാ സംഗീതനിശയ്ക്ക് വൈക്കം ബീച്ച് മൈതാനിയിൽ വേദി ഒരുങ്ങുന്നു. കൊച്ചി ആസ്ഥാനമായി പ്രവർത്തിക്കുന്ന വൈബ്രന്റ് അസോസിയേറ്റ്‌സ് എന്ന സാമൂഹിക സംഘടനയുടെ ആദ്യ സംരംഭമായാണ് ‘കായലരികത്ത് ‘എന്ന പേരിൽ വൈക്കത്ത് സംഗീതനിശ ഒരുങ്ങുന്നത്.
വൈക്കം ബീച്ച് മൈതാനിയുടെ സവിശേഷതയും ടൂറിസം പദ്ധതികളുടെ അനന്തസാധ്യതകളും പരിഗണിച്ചാണ് വൻ നഗരങ്ങളിൽ മാത്രം അരങ്ങേറുന്ന അതുല്യ കലാകാരന്മാരുടെ സ്റ്റേജ് ഷോ നടത്തുന്നതിന് വൈക്കം തിരഞ്ഞെടുത്തതെന്ന് ഭാരവാഹികൾ അറിയിച്ചു. നവംബർ 11-ന് വെകീട്ട് ആറിന് ബീച്ച് മൈതാനത്താണ് പരിപാടി നടത്തുന്നത്.