കൊല്ലം, മലപ്പുറം, കോഴിക്കോട്, കണ്ണൂർ ജില്ലകളിലെ കളക്ടര്‍മാരെ മാറ്റി. ആലപ്പുഴ, പത്തനംതിട്ട ജില്ലകളിലെ കളക്ടർമാരെ മറ്റ് തസ്തികകളിലേയ്ക്കും മാറ്റി. പത്തനംതിട്ട കളക്ടറായിരുന്ന ദിവ്യ എസ്. അയ്യരെ വിഴിഞ്ഞം പോർട്ട് എംഡിയായി നിയമിച്ചു. അദീല അബ്‌ദുല്ലയ്ക്ക് പകരമാണ് നിയമനം.
എ. ഷിബുവാണ് പുതിയ പത്തനംതിട്ട കളക്ടർ. ആലപ്പുഴ കളക്ടറായിരുന്ന ഹരിത വി. കുമാറിനെ മൈനിംഗ് ആൻ്റ് ജിയോളജി ഡയറക്ടറാക്കി. ജോൺ വി. സാമുവലാണ് പുതിയ ആലപ്പുഴ ജില്ലാ കളക്ടർ.
സ്നേഹജ് കുമാർ (കോഴിക്കോട്), എൽ. ദേവിദാസ് (കൊല്ലം), വി.ആർ. വിനോദ് (മലപ്പുറം), അരുൺ കെ. വിജയൻ (കണ്ണൂർ) എന്നിവരാണ് പുതിയ മറ്റ് കളക്ടർമാർ.